Azərbaycan, Bakı, 18 iyun /Trend, müxbir Cəmilə Əliyeva/
"Bu gün Azərbaycan nəinki region, həmçinin bütün İslam ölkələri üçün nümunədir".
Bu barədə Trend-ə Əfqanıstanın Azərbaycandakı səfiri Məhəmməd Taqi Xəlili deyib.
O bildirib ki, Azərbaycanın I Avropa Oyunlarını keçirməsi ölkənin nikbin və aparıcı rolundan xəbər verir: "Bundan başqa, 2017-ci ildə Azərbaycan İslam Həmrəyliyi Oyunları keçirəcək və əminəm ki, bu tədbir də yüksək səviyyədə təşkil olunacaq".
Diplomat qeyd edib ki, I Avropa Oyunlarının açılış mərasimi bütün gözləntiləri üstələyib: "Başqa bir ölkənin daha yaxşı açılış mərasimi təşkil edə biləcəyini düşünmürəm".