Azərbaycan, Bakı, 26 fevral /Trend/
Məşhur türk müğənni Alişan İnstagram səhifəsində Xocalı soyqırımı barədə yazıb.
Trend müğənninin rəsmi İnstagram səhifəsinə istinadən xəbər verir ki, Alişan bu faicəni törədənlərin insan olmadığını yazıb: "Bundan 23 il əvvəl törədilmiş, indiyə kimi olan ən dəhşətli soyqırımı ermənilər azərbaycanlı qardaşlarımıza qarşı Xocalıda törədiblər. Hər il bu vəhşiliyi xatırladıqca onların insan olmadığına inancım qat-qat artır. Və bunu edənlər isə illərdir bizi soyqırım törətməkdə günahlandırırlar!!!
Allah bir daha belə hadisə yaşatmasın inşallah. Xocalı soyqırımında dünyasını dəyişən bütün şəhidlərə Allahdan rəhmət diləyirəm. Unutmayacağıq".