Azərbaycan, Bakı, 29 avqust /Trend/
"Fine Brothers Entertainment" studiyası "Döyüş klubu"na parodiya kimi çəkilmiş animasiya filmini internetə yerləşdirib. Trend-in xarici mətbuata istinadən verdiyi məlumata görə, cizgi filmində Devid Finçerin qəhrəmanları məktəb şagirdləridir.
"Döyüş klubu 0+" adı altında 5 dəqiqə davam edən filmdə orijinal kinofilmin süjeti qısa şəkildə göstərilir.
Parodiyada orijinalda yer alan söyüş, zorakılıq və seks səhnələri yer almayıb.
Qeyd edək ki, Çak Palannikin eyni adlı romanı əsasında rejissor D.Finçerin çəkdiyi film 1999-cu ildə ekranlara çıxıb. Film dünya prokatında 100 milyon dollar toplaya bilib.