...

Bakıda kinosevərlərin istirahəti üçün repertuar

Mədəniyyət Materials 2 Aprel 2016 10:27 (UTC +04:00)
Nizami Kino Mərkəzində “Osman pazarlama”, “Mayamidə missiya”, “Kloverfild 10” və “Marşrut müəyyən edilib” bədii filmlərinin nümayişi başlanıb.
Bakıda kinosevərlərin istirahəti üçün repertuar

Bakı. Trend:

Aprelin 1-dən etibarən Nizami Kino Mərkəzində "Osman pazarlama", "Mayamidə missiya", "Kloverfild 10" və "Marşrut müəyyən edilib" bədii filmlərinin nümayişi başlanıb.

Mərkəzin mətbuat xidmətindən Trend-ə verilən məlumata görə, Amerika rejissoru Den Traktenberqin çəkdiyi "Kloverfild 10" filmi fantastika, triler, dəhşət, detektiv və dram janrındadır. Filmin sloqanı belədir: "Bədheybətlər fərqli olur". Avtomobil qəzasından sonra ayılan qız zirzəmidə olduğunu başa düşür. Qızı ora qapadan insan onu kimyəvi hücumdan xilas etdiyini və bunkerdən kənar dünyanın məhv olduğunu söyləyir...

Filmdə rollara aktyorlar Con Qudman, Meri Elizabet Uinsted, Con Qallaher, Duqlas M. Qriffin, Syuzann Krayer, Bredli Kuper, Sumali Montan, Frank Mottek, Sindi Hoqan və Met Vairo çəkiliblər.

ABŞ-ın "Mayamidə missiya" filmini rejissor Tim Stori döyüş və komediya janrında çəkib. Toyuna hazırlaşan Ben, gələcək arvadının qardaşı dəliqanlı polis Ceymslə narkotik alverçisini ələ keçırmək üçün Mayamiyə yollanır...

Filmdəki rolları Ays Kyub, Kevin Xart, Tika Sampter, Bencamin Brett, Oliviya Mann, Ken Jonq, Bryus MakQill, Maykl Edvard Rouz, ŞerriŞepperd, Arturo del Puetro və digər aktyorlar ifa ediblər.

Yeni filmlər sırasında rusiyalı rejissor Oleq Asadulinin "Marşrut təyin olunub" lenti də var. Ekran əsəri dəhşət və triler janrlarındadır. Arvadını öldürdükdən sonra cəsədini doğrayıb maşının baqajında gizlədən ərin cinayətinin üstü açılır. Cinayətdən boyun qaçırmasına baxmayaraq polis onu həbs edir. Başqa bir ailə cütlüyü Andrey və Olya cox ucuz qiymətə yaxşı vəziyyətdə avtomobil alır. Elə həmin gunun gecəsi beş yaşlı qızlarınıda götürüb başqa şəhərə getmək üçün yola çıxırlar.Yolda Olqa qəribə səslər eşitməyə başlayır və Andreyə maşında nələrinsə baş verdiyini hiss etdiyini söyləyir. Olyanın dedikləri əri Andreyi qıcıqlandırır və onlar mübahisə etməyə başlayırlar. Bu vaxt arxa oturacaqda əyləşən qızları hansısa görünməyən bir xalayla söhbət edir. Amma valideynlər onu eşitmir.

Öldürülən qadının ruhu ailə münaqişələrini sevmir və maşındakılar artıq onun ixtiyarındadı. Onların marşrutu bəllidir...

Filmdəki obrazları aktyorlar Svetlana Ustinova, Pavel Çinaryov, Vitaliya Kornienko, Kristina Şapovalova, Serqey Safronov, İlya Safronov, Andrey Safronov, Diana Melison, Aleksandr Tsem və başqaları canlandırıb.

Həftənin ən gözlənilən, AF Mediya Azərbaycan şirkətinin təqdim etdiyi "Osman pazarlama" türk filminin rejissoru Togan Gökbakar və baş rolun ifaçısı Şahan Gökbakardır. Film aşiq olduğu qızla evlənə bilmək üçün bacarıqlı iş adamı olmaq istəyən Osman Şaşmazın gülüş dolu hekayəsindən bəhs edir. Sevdiyi qızın atasına özünü isbatlamaq üçün ona yardımçısı Erkan və yaxın ailə dostlarının qızı Songül kömək edir. Yeni mal nümunəlirini komik durumlara düşərək bazara çıxarmaq üçün çalışan Osman, sonunda varlanmağın çox da uzaqda olmadığını anlayır...

Rollarda həmçinin Selim Akgül, Liberat Niyoyandika və başqaları çəkilib.

Məqalədə:
Xəbər lenti

Xəbər lenti