...

Gənc Tamaşaçılar Teatrının aktyorları Yunanıstana yola düşür

Mədəniyyət Materials 16 Sentyabr 2016 13:57 (UTC +04:00)
Azərbaycan Dövlət Gənc Tamaşaçılar Teatrının aktyorları Yunanıstana səfər edəcəklər.
Gənc Tamaşaçılar Teatrının aktyorları Yunanıstana yola düşür

Bakı. Trend:

Azərbaycan Dövlət Gənc Tamaşaçılar Teatrının aktyorları Yunanıstana səfər edəcəklər.

Teatrın mətbuat xidmətindən Trend-ə verilən məlumata görə, teatrın əməkdaşları Yunanıstanın Pieria bölgəsində keçiriləcək “Dionda Olimpiya” qədim dram, musiqi və atletika üzrə beynəlxalq gənclər festivalında iştirak edəcəklər.

Festivalda Azərbaycan dahi Nizami Gəncəvinin “Yeddi gözəl” poeması əsasında Əməkdar Artist Nicat Kazımovun hazırladığı “Xeyir və Şər” tamaşası ilə təmsil ediləcək.

Yunanıstana səfər edəcək yaradıcı heyətə teatrın quruluşçu rejissoru, Əməkdar Artist Nicat Kazımov, aktyorlar Zümrüd Quliyeva, Səbinə Məmmədova, Bəhram Həsənov və işıq üzrə rəssam Vadim Kuskov daxil edilib. Səfər cari il sentyabr ayının 19-23-dək baş tutacaq.

Festivalda ölkəmizin iştirakı Azərbaycan Gənclər və İdman Nazirliyinin təşkilatçılığı ilə reallaşacaq.

Məqalədə:
Xəbər lenti

Xəbər lenti