Bakı. Trend:
Hindistanın məşhur kino aktyoru Om Puri 66 yaşında vəfat edib.
Trend-in BBC-yə istinadən verdiyi məlumata görə, Bollivudun ulduzu bu gün səhər Mumbaydakı evində ürək tutmasından dünyasını dəyişib.
O.Puri 100-dən çox filmə çəkilib, 10-dan artıq mükafat alıb. O, ən yaxşı kişi roluna görə iki dəfə Hindistanın əsas milli kino mükafatı olan "Gümüş lotos" alıb, həmçinin Çexiya və Kanadadakı kinofestivallarda mükafatlara layiq görülüb.