Gürcüstan, Tbilisi, 19 sentyabr /Trend, müxbir N.Kirsxaliya/
İnterpol tərəfindən axtarışda olan 1987-ci il təvəllüdlü Ümid Ramazanov Gürcüstan-Türkiyə sərhədini keçərkən "Sarpi" sərhəd-keçid məntəqəsində saxlanılıb.
Gürcüstan DİN-dən Trend-ə verilən məlumata görə, Ü.Ramazanov 11 sentyabr 2013-cü il tarixindən etibarən xüsusilə böyük həcmdə oğurluğa görə Azərbaycan polisi tərəfindən axtarılır.
İstintaq iddia edir ki, avqustun 18-də Ü.Ramazanov Q.Ramazanovanın evinə daxil olaraq divarda olan dəmir seyfi qırıb və 200 min manatı mənimsəyib.
Günahı sübuta yetirildiyi təqdirdə o, 12 il müddətinə azadlıqdan mərhum edilə bilər.