Azərbaycan, Bakı, 18 dekabr /Trend/
Trend-in Kəpəz TV-yə istinadan verdiyi məlumata görə, hadisə dekabrın 18 gecə saat 1 radələrində, Gəncənin Şah İsmayıl Xətai prospektində, Azərbaycan Texnologiya Universitetinin qarşısında baş verib.
İki Mercedes markalı minik avtomobilinin toqquşması nəticəsində 5 nəfər ağır bədən xəsarətləri alıb.
Yaralılar dərhal hadisə yerinə çağırılan təcili tibbi yardım maşını ilə Gəncə şəhər TTYX-nın travmatalogiya şöbəsinə gətirilib.
Onlardan ikisinin vəziyyəti xüsusi ağır olduğundan reanimasiya şöbəsinə yerləşdirilib.
Faktla bağlı hüquq mühafizə orqanları tərəfindən araşdırmalara başlanılıb.