Azərbaycan, Bakı, 26 yanvar /Trend, müxbir Təmkin Cəfərov/
İranın Qərbi Azərbaycan əyalətinin Nəqədə şəhərinin Məhəmmədyar bölgəsində Rixter cədvəli üzrə 4,1 bal gücündə zəlzələ baş verib.
Trend-in "Tasnimnews" saytına istinadən verdiyi məlumata görə, zəlzələ yerli vaxtla saat 15:42-də baş verib.
Hələlik dağıntılar və xəsarət alanlar barədə məlumat yoxdur.
Qeyd edək ki, ötən axşam İranın Hörmüzqan əyalətinin Bəndər Abbas şəhərində Rixter cədvəli üzrə 5 bal gücündə zəlzələ baş vermişdi.