Azərbaycan, Bakı, 25 may /Trend, müxbir Rufiz Hafizoğlu/
Türkiyənin Batman vilayətində hakim Ədalət və İnkişaf Partiyasının seçkiqabağı təbliğat apardığı avtobusa silahlı hücum olub.
Trend-in "Anadolu" agentliyinə istinadən verdiyi məlumata görə, naməlum şəxslər avtobusa atəş açdıqdan sonra hadisə yerindən qaçıblar.
İnsident nəticəsində xəsarət alan olmayıb. Hadisə ilə bağlı araşdırma başlayıb.
Qeyd edək ki, iyunun 7-də Türkiyədə parlament seçkiləri keçiriləcək.