...

Azərbaycana qaçaq yolla mobil telefon və fotoaparatlar keçirmək cəhdi alınmadı

Hadisə Materials 1 İyul 2015 15:30 (UTC +04:00)
Azərbaycan gömrükçüləri ölkəyə qaçaq yolla mobil telefon və fotoaparatların keçirilməsinin qarşısını alıblar.
Azərbaycana qaçaq yolla mobil telefon və fotoaparatlar keçirmək cəhdi alınmadı

Azərbaycan, Bakı, 1 iyul /Trend, müxbir İlkin İzzət/

Azərbaycan gömrükçüləri ölkəyə qaçaq yolla mobil telefon və fotoaparatların keçirilməsinin qarşısını alıblar.

Dövlət Gömrük Komitəsindən (DGK) Trend-ə verilən məlumata görə, Gürcüstan istiqamətindən Balakən Gömrük İdarəsinin "Mazımçay" gömrük postuna daxil olan Azərbaycan vətəndaşı Musa Mustafa oğlu Mustafayevin idarə etdiyi "VAZ 21013" markalı, "08-BA-582" dövlət qeydiyyat nişanlı nəqliyyat vasitəsinə baxış keçirilib.

Baxış zamanı nəqliyyat vasitəsinin salonunun müxtəlif hissələrində və yük yerində gömrük nəzarətindən gizlədilən "Canon" markalı 3 ədəd fotoaparat, "Canon" və "Nikon" fotoaparatlarına aid 2 ədəd linza, 3 adda, ümumilikdə 11 ədəd mobil telefon, 1 ədəd planşet və 3 ədəd "Apple watch" markalı rəqəmsal qol saatı aşkar olunaraq götürülüb. Gömrük nəzarətindən gizlədilən malların həmin nəqliyyat vasitəsində sərnişin kimi gələn Gürcüstan vətəndaşı Tural Almaz oğlu Mamedova məxsus olduğu müəyyənləşdirilib.

Balakən Gömrük İdarəsinin "Маzımçay" gömrük postunda isə Azərbaycan vətəndaşı Akif Kamil oğlu Bodurovun idarə etdiyi "Mercedes-Benz E-220 CDI" markalı, "90-FG-236" dövlət qeydiyyat nişanlı nəqliyyat vasitəsinə baxış keçirilib.

Yoxlama zamanı avtomobilin arxa oturacağının altından gömrük nəzarətindən gizlədilən 5 ədəd "Nokia" markalı mobil telefon aşkar edilib.

Faktla bağlı DGK İstintaq İdarəsində araşdırma aparılır.

Məqalədə:
Xəbər lenti

Xəbər lenti