...

Bakıda arvadını bıçaqlayan ər tutulub

Hadisə Materials 23 İyul 2015 17:26 (UTC +04:00)
Bakı şəhər Baş Polis İdarəsi və şəhər prokurorluğu kişinin həyat yoldaşını bıçaqla xəsarət yetirməsi ilə bağlı məlumat yayıblar.
Bakıda arvadını bıçaqlayan ər tutulub

Azərbaycan, Bakı, 23 iyul /Trend/

Bakı şəhər Baş Polis İdarəsi və şəhər prokurorluğu kişinin həyat yoldaşını bıçaqla xəsarət yetirməsi ilə bağlı məlumat yayıblar.

Trend-ə daxil olan birgə məlumatda deyilir ki, iyulun 23-də saat 15 radələrində paytaxtın Nizami rayonu ərazisində fəaliyyət göstərən "Meridian" şadlıq sarayının yaxınlığında Quliyev Sənan Əli oğlu ailə münaqişəsi zəminində aralarında yaranmış mübahisə zamanı üstündə gəzdirdiyi bıçaqla arvadı Hüseynova Vüsalə Vüqar qızını qəsdən öldürmək məqsədilə bədəninin müxtəlif nahiyələrinə çoxsaylı xəsarətlər yetirib, sonuncu aldığı xəsarətlərlə bağlı xəstəxanaya yerləşdirilib.

Rayon Polis İdarəsi və rayon prokurorluğunun əməkdaşları tərəfindən hadisə yerinə baxış keçirilib, maddi sübutlar götürülüb, müvafiq ekspertizalar təyin edilib və digər təxirəsalınmaz zəruri prosessual hərəkətlər yerinə yetirilib.

Fakta görə rayon prokurorluğunda Cinayət Məcəlləsinin 29, 120.1-ci (qəsdən adam ödürməyə cəhd) maddəsi ilə cinayət işi başlanıb, həmin cinayətin törədilməsində şübhəli bilinən S.Quliyev tutularaq istintaqa cəlb edilib.

Hazırda cinayət işi üzrə istintaq tədbirləri davam etdirilir.

Məqalədə:
Xəbər lenti

Xəbər lenti