Azərbaycan, Bakı, 27 iyul /Trend/
Hava qasırğalı olduğuna görə, Niderlandın Sxipxol hava limanında Boeing 777 tipli sərnişin təyyarəsi eniş zamanı qəza etmək təhlükəsi ilə üzləşib.
Trend-in RİA Novosti agentliyinə istinadən verdiyi məlumata görə, təyyarə eniş zamanı güclü yırğalanmağa başlayıb və şassilər yerə toxunarkən təyyarə yan tərəfə aşmaq təhlükəsində olub.
Pilotlar çətin hava şəraitinə baxmayaraq təyyarəni yerə endirməyi bacarıblar.
Hadisə zamanı zərər çəkən olmayıb.