Azərbaycan, Bakı, 30 iyul /Trend/
Fövqəladə Hallar Nazirliyi Xızıda yaylaqda baş verən yanğınla bağlı məlumat yayıb.
Trend Nazirliyin mətbuat xidmətinə istinadən xəbər verir ki, Nazirliyin "112" qaynar telefon xəttinə daxil olmuş məlumata əsasən, Xızı rayonunda dağlıq ərazidə yanğın hadisəsi baş verib.
Nazirliyin Dövlət Yanğından Mühafizə Xidmətinin və Aviasiya Dəstəsinin canlı qüvvə və texnikası hadisə yerinə cəlb olunub. Dağlıq ərazidə 100 ha otlaq ərazi və 7 ha kol-kos yanıb. Yanğının qarşısı alınıb.