Azərbaycan, Bakı, 24 sentyabr /Trend/
Xaçmaz rayonunda vətəndaşa məxsus ev yanıb.
Trend-in Fövqəladə Hallar Nazirliyinin saytına istinadən verdiyi məlumata görə, Moruqoba kəndində vətəndaşa məxsus ümumi sahəsi 280 kv.m olan ikimərtəbəli 8 otaqlı evin 2-ci mərtəbəsinin və dam örtüyünün yanar konsturuksiyaları 140 kv.m sahədə yanıb.
Evin qalan hissəsi yanğından mühafizə olunub.
Yanğın saat 06:34-də yanğınsöndürənlər tərəfindən söndürülüb.