Bakı. Trend:
Xəzər rayonunda yanğın faktı qeydə alınıb. Trend-ə Fövqəladə Hallar Nazirliyindən (FHN) verilən məlumata görə, ümumi sahəsi 7 ha olan istixananın ərazisində karbon dioksid qazı üçün nəzərdə tutulmuş, tutumu 20 kub.m olan çənin içərisinə çəkilmiş şüşə pambıq üzlük yanıb. Hadisə yerinə dərhal FHN qüvvələri cəlb olunub. Yaxınlıqdakı tikililər yanğından mühafizə olunub.
Yanğın saat 11:11-də yanğınsöndürənlər tərəfindən söndürülüb.