Bakı. Trend:
Xızı rayonunda meşə zolağına yaxınlıqda vətəndaşa məxsus evdə yanğın olub.
Trend FHN-in saytına istinadən xəbər verir ki, Xızı rayonu, Qars kəndində (rayon mərkəzindən 13 km aralı) vətəndaşa məxsus ümumi sahəsi 100 kv.m olan birmərtəbəli 3 otaqlı evin yanar konstruksiyaları yanıb.
Yaxınlıqdakı evlər və meşə zolağı yanğından mühafizə olunub. Yanğın saat 09:09-da yanğınsöndürənlər tərəfindən söndürülüb.