Bakı. Trend:
Şamaxıda göldə batan 3 nəfərin cəsədi tapılıb.
Trend Fövqəladə Hallar Nazirliyinin (FHN) saytına istinadən xəbər verir ki, Nazirliyinin Böhran Vəziyyətlərində İdarəetmə Mərkəzinə Şamaxı rayonunda, Şirvan gölündə 3 nəfərin batması barədə məlumat daxil olub.
Dərhal Nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunmuş və vətəndaşların axtarışlarına başlanılıb.
Şamaxı rayonunda, Şirvan gölündə batmış şəxsiyyəti məlum olmayan 3 nəfərin cəsədi Dövlət Sularda Xilasetmə Xidmətinin dalğıc-xilasediciləri tərəfindən tapılıb çıxarılaraq aidiyyati üzrə təhvil verilib.
Əməliyyat saat 19:49-da başa çatıb.