Bakı. Trend:
Göyçay rayonunda avtomobilin vurduğu 23 yaşlı oğlan gecə saatlarında Göyçay Mərkəzi Rayon Xəstəxanasında ölüb.
Trend EL TV-yə (Region TV) istinadən xəbər verir ki, onun müalicəsi üçün Bakıdan həkim dəvət edilsə də, gəncin həyatını xias etmək mümkün olmayıb.
Xatırladaq ki, ötən gün Göyçay şəhərində rayonun Mallı-Şıxlı kənd sakini Elsevər Xəlilov “VAZ 2109” markalı minik avtomobili ilə yolu keçən piyada, Ərəbşahverdi kənd sakini, 1993-cü il təvəllüdlü Sənan Xanəhməd oğlu Ağarəhimovu vurub. Hadisəni törədən taksi sürücüsü E.Xəlilov saxlanılıb.
Faktla bağlı Göyçay rayon Polis Şöbəsində araşdırma aparılır.