Bakı. Trend:
Qumbara gəzdirən Gəncə sakini saxlanılıb.
Trend Kəpəz TV-yə (Region TV) istinadən xəbər verir ki, Gəncə şəhəri Yeni Gəncə qəsəbəsində yaşayan Sənan İbrahimovun qanunsuz silah-sursat saxlaması barədə Nizami Rayon Polis İdarəsinə əməliyyat məlumatı daxil olub. Məlumat əsasında əməliyyat tədbirlərinə başlayan polis əməkdaşları S.İbrahimovu yaşadığı binanın qabağında saxlayıblar. Onun üzərindən tapança və 8 patron aşkarlanıb.
İbrahimovun yaşadığı mənzilə baxış keçirilən zaman orada da döyüş üçün yararlı olan əl qumbarası aşkarlanıb.
Hələlik silahların hansısa cinayət əməlində istifadə olunub-olunmaması məlum deyil. Saxlanılan S.İbrahimov bildirib ki, tapançanı Rusiyadan gətirib, qumbaranı isə məhlədən tapıb.
S.İbrahimov bundan əvvəl də məhkumluq həyatı yaşayıb.