Bakı. Trend:
İmişli rayonunda yanğın qeydə alınıb.
Fövqəladə Hallar Nazirliyindən (FHN) Trend-ə verilən məlumata görə, İmişli rayonunda vətəndaşa məxsus ümumi sahəsi 80 m2 olan birmərtəbəli 3 otaqlı evin 1 otağında 1 ədəd yataq dəsti, mətbəxdə stol və 4 ədəd stul yanıb.
Yüksək temperaturdan mətbəxin lambirindən ibarət tavanı 9 m2 sahədə əriyib.
Evin qalan hissəsi yanğından mühafizə olunub.
Yanğın saat 20:40-da yanğınsöndürənlər tərəfindən söndürülüb.