Bakı. Trend:
Gəncədə mağazadan oğurluğa cəhd göstərməkdə şübhəli bilinən şəxs saxlanılıb. Trend-ə Daxili İşlər Nazirliyindən verilən məlumata görə, noyabrın 10-da saat 22 radələrində Gəncə şəhərindəki mağazalardan birindən Gəncə Rayonlararası Mühafizə İdarəsinə həyəcan siqnalı daxil olub.
Dərhal hadisə yerinə gəlmiş RMİ-nin əməkdaşları tərəfindən oradan oğurluğa cəhd göstərməkdə şübhəli bilinən Tərtər rayon sakini Elcan İmamverdiyev saxlanılaraq Kəpəz RPİ-yə təhvil verilib.