Bakı. Trend:
Sumqayıt şəhərində mənzildə 76 yaşlı qadının meyiti tapılıb.
Fövqəladə Hallar Nazirliyindən Trend-ə verilən məlumata görə, Nazirliyin Böhran Vəziyyətlərində İdarəetmə Mərkəzinə, Sumqayıt şəhərində mənzildə 1 nəfərin bağlı qapı arxasında köməksiz vəziyyətdə qalması barədə məlumat daxil olub.
Nazirliyin Sumqayıt Regional Mərkəzinin xilasetmə qüvvələri hadisə yerinə cəlb olunaraq, mənzilin qapısını açıb və 1940-cı il təvəllüdlü Babayeva Ülkər Yusif qızının cəsədini aşkar edərək aidiyyəti üzrə təhvil veriblər.