Bakı. Trend:
Bakıda və Balakəndə yanğın qeydə alınıb.
Trend Fövqəladə Hallar Nazirliyinin saytına istinadən xəbər verir ki, Bakı şəhəri, Nərimanov rayonunda vətəndaşa məxsus ümumi sahəsi 82 m² olan 3 otaqlı mənzilin otağın tavanı 6 m² sahədə yanıb. Mənzilin qalan hissəsi yanğından mühafizə olunub. Yanğın saat 22:49-da yanğınsöndürənlər tərəfindən söndürülüb.
Digər yanğın hadisəsi isə, Balakən rayonunun Qazma kəndində qeydə alınıb. Vətəndaşa məxsus ümumi sahəsi 32 m² olan birmərtəbəli 2 otaqlı evin 1 otağının tavanı 12 m² sahədə yanıb. Evin qalan hissəsi yanğından mühafizə olunub. Yanğın saat 23:55-də yanğınsöndürənlər tərəfindən söndürülüb.