Bakı. Trend:
Türkiyənin daxili işlər naziri Süleyman Soylu dekabrın 10-da axşam saatlarında İstanbulun mərkəzində törədilən terror aktı nəticəsində həlak olanların sayının 38-ə çatdığını bildirib. Bu barədə Trend Anadolu agentliyinə istinadən xəbər verir.
X X X
05:48
İstanbulun mərkəzi rayonlu Beşiktaşda yerləşən Vodafone Arena sadionunun çıxışı yaxınlığında baş verən iki güclü partlayış nəticəsində 29 nəfər ölüb. Ölənlərin 27-polis əməkdaşı, 2-si isə dinc vətəndaş olub.
Trend-in Anadolu agentliyinə istinadən verdiyi məlumata görə, bunu Türkiyənin Daxili İşlər Naziri Süleyman Soylu bildirib.
Onun sözlərinə görə, 7-si ağır vəziyyətdə olmaqla 166 nəfər yaralanıb.
S. Soylu əlavə edib ki, hadisəylə bağlı 10 şübhəli şəxs saxlanılıb. O qeyd edib ki, partlayışlardan biri uzaqdan idarə olunan bomba yüklü avtomobillə, digəri isə canlı bomba tərəfindən törədilib.
XXX
00:13
İstanbulun mərkəzində yerləşən Vodafone Arena sadionunun çıxışı yaxınlığında iki güclü partlayış baş verib.
Trend-in Anadolu agentliyinə istinadən verdiyi məlumata görə, partlayış nəticəsində 20 polis işçisi yaralanıb.
Hadisə yerinə polis və təcili yardım briqadası cəlb edilib.