Bakı. Trend:
Azərbaycandan Rusiyaya rus rublu keçirməyə cəhd edən şəxs saxlanılıb.
Dövlət Gömrük Komitəsindən Trend-ə verilən məlumata görə, Xaçmaz Gömrük İdarəsinin “Samur” gömrük postundan keçməklə Azərbaycandan Rusiya istiqamətinə gedən Azərbaycan vətəndaşının üzərində şəxsi yoxlama aparılıb.
Vətəndaşın üzərində yoxlamadan əvvəl gömrük bəyannaməsində göstərilmiş 50 min Rusiya rublu əvəzinə 500 min Rusiya rublu aşkar edilib.