Bakı. Samir Əli - Trend:
Bu gün Bakı Ağır Cinayətlər Məhkəməsində həyat yoldaşını öldürməyə cəhddə, özünü isə bıçaqlamaqda təqsirləndirilən Yusifov Eldəniz Şirin oğlunun cinayət işi üzrə məhkəmənin hazırlıq iclası başlayıb.
Trend-in məlumatına görə, prosesdə təqsirləndirilən şəxsin anket məlumatları dəqiqləşdirilib və məhkəmənin baxış iclası aprelin 3-nə təyin edilib.
İttihama görə, Suraxanı rayonu, Hövsan qəsəbəsi, R.Allahverdiyev küçəsi, ev 1, mənzil 34 ünvanında yaşayan 1966-cı il təvəllüdlü E.Yusifov evində münaqişə zəminində həyat yoldaşı, 1979-cu il təvəllüdlü Ceyhunəyə balta ilə baş və boyun nahiyələrinə xəsarət yetirib, sonra isə özünü bıçaqlayıb. Hər iki yaralı 3 saylı Şəhər Kliniki Xəstəxanasına yerləşdirilib.
E.Yusifov törətdiyi cinayət əməlini etiraf edərək. O, həyat yoldaşını qısqandığı üçün bunu etdiyini söyləyib.