Bakı. Trend:
Paytaxtda mənzillərdən birində 63 yaşlı qadının meyiti tapılıb.
Fövqəladə Hallar Nazirliyinin saytına istinadən xəbər verir ki, Böhran Vəziyyətlərində İdarəetmə Mərkəzinə Bakı şəhəri, Xəzər rayonunda mənzildə 1 nəfərin bağlı qapı arxasında köməksiz vəziyyətdə qalması barədə məlumat daxil olub.
Dərhal Nazirliyin Xüsusi Riskli Xilasetmə Xidmətinin qüvvələri hadisə yerinə cəlb olunaraq mənzilin qapısını açıb və 1954-cü il təvəllüdlü Novikova Nina Aleksandrovnanın meyitini aşkar edərək aidiyyatı üzrə təhvil veriblər.
Əməliyyat saat 16:41-də başa çatıb.