Bakı. Trend:
Bakı şəhəri, Binəqədi rayonunda vətəndaşa məxsus ümumi sahəsi 47 m2 olan kafenin taxta konstruksiyalardan ibarət mətbəxi 12 m2 sahədə və içərisində olan əşyalar yanıb.
Fövqəladə Hallar Nazirliyindən Trend-ə verilən məlumata görə, yanğın zamanı yanğınsöndürənlər tərəfindən kafenin mətbəxindən 2 ədəd məişət qaz balonu təhlükəsiz əraziyə çıxarılıb. Kafenin qalan hissəsi və bitişik obyektlər yanğından mühafizə olunub. Yanğın saat 09:37-də yanğınsöndürənlər tərəfindən söndürülüb.
Digər yanğın hadisəsi isə Göyçay şəhərində qeydə alınıb. Şəhərdə beşmərtəbəli yaşayış binasının 1-ci mərtəbəsində vətəndaşa məxsus ümumi sahəsi 10 m2 olan ayaqqabı təmiri otağının yanar konstruksiyaları və içərisində olan əşyalar yanıb.
Yaşayış binası yanğından mühafizə olunub. Yanğın saat 09:55-də yanğınsöndürənlər tərəfindən söndürülüb.