Bakı. Trend:
Salyanda çayda batdığı ehtimal edilən şəxsin axtarışlarına başlanılıb.
Trend Fövqəladə Hallar Nazirliyinə istinadən xəbər verir ki, Böhran Vəziyyətlərində İdarəetmə Mərkəzinə, Akkuşa çayının Salyan rayonu ərazisindən keçən hissəsində 1 nəfərin batması barədə məlumat daxil olub.
Dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunaraq vətəndaşın axtarışlarına başlayıblar.
Nazirlikdən hadisə ilə bağlı əlavə məlumat veriləcəyi deyilir.