Bakı. Trend:
Bakının Sabunçu rayonunda fəaliyyət göstərməyən beşmərtəbəli inzibati binada yanğın olub.
Trend Fövqəladə Hallar Nazirliyinə istinadən xəbər verir ki, binanın ümumi sahəsi 900 kvadratmetr olan 1-ci mərtəbəsində otaqların döşəməsi 71 kvadratmetr sahədə və 2-ci mərtəbədə yaşayış üçün nəzərdə tutulmuş sahəsi 160 kvadratmetr olan mənzillərin yanar konstruksiyaları 5 kvadratmetr sahədə yanıb.
Binanın qalan hissəsi yanğından mühafizə olunub. Yanğın saat 15:05-də yanğınsöndürənlər tərəfindən söndürülüb.