Bakı. Trend:
Sabirabad rayonu, Nizami kəndi ərazisində "VAZ" markalı minik avtomobilinin "Mercedes" markalı yük avtomobiliylə toqquşub.
Fövqəladə Hallar Nazirliyindən Trend-ə verilən məlumata görə, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Sabirabad rayonu, Nizami kəndi ərazisində "VAZ" markalı minik avtomobilinin "Mercedes" markalı yük avtomobiliylə toqquşması nəticəsində yol-nəqliyyat qəzasının baş verməsi barədə məlumat daxil olub.
Dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq minik avtomobilində sıxılmış vəziyyətdə qalan 1958-ci il təvəllüdlü Aslanov Həsənxan Hüseynxan oğlunun və 1989-cu il təvəllüdlü Aslanov Dəyanət Həsənxan oğlunun cəsədlərini çıxarıb və aidiyyətı üzrə təhvil veriblər.
Əməliyyat saat 22:25-də başa çatıb.