Yanvarın 11-də Bakı şəhəri, 28 May küçəsi, 5 saylı 3 mərtəbəli binada yanğın baş verib. Trend məlumat verir ki, 2 saata yaxın davam edən yanğın səhər saat 06.00 radələrində söndürülüb.
İlkin məlumata görə, yanğın əvvəlcə binanın çardağında başlayıb. Sonra isə mənzillərə keçib. Məzillərin pəncərələrinin dəmir barmaqlıqlarla örtülməsi yanğınsöndürənlərin işini çətinləşdirib. Buna baxmayaraq, hadisəyə cəlb olunmuş yanğınsöndürənlər yanğını söndürə bilib. Yanğın söndürülərkən bir yanğınsöndürənin xəsarət aldığı bildirilir.