Azərbaycan, Bakı, 27 yanvar /Trend, müxbir Məftun Salmanov/
Telefon istifadəçiləri səhvən göndərdikləri mesajları qarşı tərəf oxumadan silə biləcəklər.
Trend-in "TRT Haber" telekanalına istinadən verdiyi məlumata görə, yeni xidməti ABŞ-ın "String" şirkəti hazırlayıb.
Pulsuz olan bu xidmət sayəsində səhvən göndərilən mesaj, foto və ya videoları qarşı tərəf görmədən silmək mümkün olacaq.
Xidmət mesajın görülüb-görülmədiyini və ya oxunub-oxunmadığını da müəyyən edir. "iPhone" istifadəçiləri üçün nəzərdə tutulmuş xidmət yanvar ayı ərzində istifadəyə veriləcək.
Şirkətin hazırladığı başqa bir xidmət isə göndərilən mesajların qarşı tərəfin telefonundan silinməsini təmin edir.