Azərbaycan, Bakı, 30 yanvar /Trend, müxbir Məftun Salmanov/
"Apple" şirkəti bu il yeni "iPhone 7" telefonunu təqdim etməyə hazırlaşır. Yeni telefonun dizaynının "iPhone 6"-ya və ya əvvəlki modellərə bənzəyib-bənzəməyəcəyi maraq doğurur.
Trend-in cümə günü "Hürriyet" qəzetinə istinadən verdiyi məlumata əsasən, yeni "iPhone 7" 4,7 düymlük ekrana və 5 GB RAM yaddaşa malik olacaq.
Yeni telefonların "iPhone 6"-da olduğu kimi 16,64 və 128 GB güclük modelləri olacaq. Önündə 5, arxa üzündə isə 12 meqapiksel daxili kamera yer alacaq. "iPhone 7"-nin qalınlığının 6,1 mm olması gözlənilir.