Azərbaycan, Bakı, 26 avqust /Trend/
"Twitter" siyasətçilərin silinmiş tvitlərini arxivləşdirən "Politwoops" layihəsini bloklayıb. Trend bu barədə "The Independent" qəzetinə istinadən məlumat verir.
Qeyd edək ki, "Politwoops" "Open State Foundation" fondu tərəfindən idarə olunurdu. Servis siyasətçilərin mikrobloqlarına nəzarət edir, onlardan biri tvitini siləndə mesaj dərc edirdi.
2010-cu ildə fəaliyyətə başlayan "Politwoops" dünyanın 30 ölkəsində fəaliyyət göstərirdi.