Azərbaycan, Bakı, 27 avqust /Trend/
Hollandiyalı dizayner Anuk Vipprext (Anouk Wipprecht) plastikdən hazırlanmış geyim kolleksiyasını təqdim edib. Platik parçaların hamısı 3D-printerdə çap olunub. Həmçinin geyimlərdə "Audi A4" sedanın hissələrindən istifadə olunub. Trend bu barədə "Luxurylaunches"-ə istinadən məlumat verir.
Kolleksiyada cəmi 4 geyim var, onların hamısı ağ və qara rəngdədir.
2 geyimdə lampalar və parkinq sensorları quraşdırılıb. Başqa bir geyim 60 vatt gücə malik işıq diodları ilə bəzədilib. Bundan başqa geyimlərdə lazer məsafəölçənlər quraşdırılıb.
Bir geyimin hazırlanmasına 3 gün lazım olub.
Kolleksiya ilk dəfə Berlində keçirilən " Fashiontech" konfransında təqdim olunub. Kolleksiyanın yaxın zamanda "Audi"nin Milan, Pekin və Londonda yerləşən flaqman mağazalarında nümayiş olunacağı planlaşdırılır.