Azərbaycan, Bakı, 4 sentyabr /Trend/
Bu həftə ərzində ABŞ-ın Kolorado ştatının Denver şəhərində yerləşən Botanika bağında nadir hadisəyə şahid olmaq mümkün olacaq. Belə ki, nəhəng tropik bitki amorfofallus titanum (latınca "Amorphophallus titanum") 2007-ci ildən etibarən ilk dəfə çiçək açıb. Trend bu barədə xarici mətbuata istinadən məlumat verir.
Çiçəklənmə dövrü 48 saat olan bitkiyə baxmaq üçün Botanika bağının zalına minlərlə ziyarətçi toplaşıb.
Qeyri-adi gözəlliyə malik çiçəyin diametri 1,2 metrə çatır. Bitkinin çiçəkləməsi üçün ən az 8-20 il boy atması lazımdır.
Bitkinin ikinci özəlliyi çiçəklənmə dövründə iylənmiş ət, lax yumurta və balıq qoxusunu xatırladan üfunətli iy buraxmasıdır.