Azərbaycan, Bakı, 11 oktyabr /Trend/
Özündə bir çox obraz əks etdirən, lakin izləyicilərin yadında "Zita və Gita"-nın əmisi arvadı kimi qalan Hindistan aktrisası Manorama 78 yaşında dünyasını dəyişdi.
Trend-in RİA Novosti agentliyinə istinadən verdiyi xəbərə görə, aktrisa Çennai şəhərində ürək dayanması nəticəsində ölüb.
Aktrisa fəaliyyəti ərzində 1200 kino və 1000 pyesdə oynayıb. O, "Ginnesin Rekordlar Kitabı"na daxil edilib.