Azərbaycan, Bakı, 12 oktyabr /Trend/
Qlazqo şəhərinin icra hakimiyyəti 6 hündürmərtəbəli binanı partlatmaq qərarına gəlib. Trend-in xarici mətbuata istinadən verdiyi məlumata görə, şəhər hakimiyyətinin fikrincə, həmin binalar şəhərin mənzərəsini korlayırdı.
32 mərtəbəli binalar 50 il qabaq tikilib və öz dövründə Avropada ən hündür evlər hesab edilib.
Amma binalar partladılarkən onlardan ikisinin yalnız aşağı qatları dağılıb və üst mərtəbələr dik vəziyyətdə qalıb. Və indi onlar istənilən an dağıla bilər.