Bakı. Trend:
ABŞ-ın yeni seçilmiş prezidenti Donald Trampın Hollivudda “Şöhrət xiyabanı”ndakı ulduzu Los-Anceles polisi tərəfindən daha güclü qorunacaq.
Trend-in "RİA Novosti" agentliyinə istinadən verdiyi məlumata görə, bu qərar həmin xiyabandakı simvolik ulduzun bir neçə həftə əvvəl hücuma məruz qalmasından sonra qəbul edilib.
Oktyabrın sonunda naməlum şəxs Donald Trampın "ulduzu"nu çəkiclə dağıtmışdı. Ulduz bir neçə gün əvvəl bərpa olunub və ətrafına mühafizə səddi çəkilib.