Azərbaycan, Bakı, 1 aprel /Trend, müxbir Anaxanım Hidayətova/
Dağlıq Qarabağ münaqişəsində olan hazırkı status-kvo vəziyyəti Avropa İttifaqı (Aİ) üçün qəbuledilməzdir.
Trend-in məlumatına görə, bunu çərşənbə günü jurnalistlərə açıqlamasında Aİ-nin Azərbaycandakı Nümayəndəliyinin rəhbəri Malena Mard deyib.
O qeyd edib ki, Aİ ölkələrin ərazi bütövlüyü prinsipinə böyük diqqət ayırır.
"Aİ Azərbaycanın suverenitetini və ərazi bütövlüyünü dəstəkləyir və bu, 1996-cı ilə tərəflər arasında imzalanmış sazişdə yer alıb. Dağlıq Qarabağ münaqişəsinin nizamlanması ilə ATƏT-in Minsk Qrupu məşğul olur və biz onun fəaliyyətini dəstəkləyirik", - deyə Malena Mard vurğulayıb.