Bakı. Anaxanım Hidayətova - Trend:
"Dağlıq Qarabağ münaqişəsinin həlli üzrə Vyana görüşü çox əhəmiyyətlidir. Azərbaycan və Ermənistan prezidentləri nəhayət ki, danışıqlar masası arxasına oturdular. Ən əsası, zorakılıq və hərbi toqquşmadan qaçmaqdır".
Bunu Trend-ə 2003-2010-cu illərdə Macarıstanın 3 Baş nazirinin xarici siyasət üzrə baş müşaviri olmuş Levente Kozma deyib.
Onun sözlərinə görə, status-kvonu dəyişmək lazımdır, çünki indiki vəziyyətin qorunması gələcəkdə yeni toqquşmalara səbəb ola bilər: "Prezidentlərin daha bir görüşü lazımdır. Aİ, ABŞ, Rusiya regionda BMT-nin qətnamələrinə hörmət və qarşılıqlı anlaşmaya əsaslanmış möhkəm və davamlı sülhün qurulmasında rol oynamalıdırlar".