Bakı. Trend:
Rusiya hesab etmir ki, Dağlıq Qarabağ münaqişəsinin sülh yolu ilə həlli bölgədə planlaşdırılan “referendum”un keçirilməsindən asılı olsun.
Trend-in məlumatına görə, bu barədə Rusiya XİN-in informasiya və mətbuat departamentindən məlumat verilib.
Qurumdan bildirilib ki, Rusiya Dağlıq Qarabağı müstəqil dövlət kimi tanımır: “Biz hesab edirik ki, onun statusu Minsk prosesi çərçivəsində siyasi danışıqlar yolu ilə həll olunmalıdır”.