Bakı. Trend:
GUAM məkanında münaqişələr dövlətlərin ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında həll olunmalıdır.
Trend-in məlumatına görə, bu barədə təşkilata üzv olan ölkələrin hökumət başçılarının Kiyevdə keçirilən yekun bəyanatında deyilir.
Bəyanatda qeyd olunur: "GUAM ölkələri - Azərbaycan, Gürcüstan, Moldova və Ukrayna ərazilərində davam edən münaqişələrə görə dərin narahatlığımızı bildirərək, bu münaqişələrin ölkələrin suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında tezliklə nizamlanması üçün səylərimizi təsdiq edirik".