İyulun 27-də Ermənistan Silahlı Qüvvələrinin bölmələri sərhəd rayonlarındakı mövqelərimizi yenidən atəşə tutublar.
Bu barədə Trend ə Müdafiə Nazirliyinin mətbuat xidmətindən məlumat verilib. Məlumatda göstərilir ki, həmin gün Ermənistan Silahlı Qüvvələri saat 10:50-dən 10:55-dək Qazax rayonu, Məzəmli kəndinin 0,5 km. cənubunda, saat 15.25-dən 16.30-dək həmin kəndin 0,5 km. cənubunda və İcevan rayonu, Berkaber kəndinin 1,2 km. şimal-şərqində, saat 20.30-dan 21.10-dək isə Xanlar rayonu ərazisindəki Ömər dağının şimal-şərqində, Ömər aşırımının 1,5 km. və 2,3 km. cənub-qərbində yerləşən mövqelərindən Məzəmli kəndini və Azərbaycan Silahlı Qüvvələrinin üzbəüz mövqelərini avtomatlardan, snayper tüfənglərindən və pulemyotlardan atəşə tutublar. Məlumatda bildirilir ki, düşmən cavab atəşilə susdurulub, itki yoxudr.