...

Azərbaycan Özbəkistandakı seçkiləri qiymətləndirdi

Siyasət Materials 22 Dekabr 2014 20:38 (UTC +04:00)
Azərbaycan missiyası Özbəkistan Ali Məclisinin Qanunvericilik palatasına seçkilərin keçirilməsini və təşkilini gözəl qiymətləndirir.
Azərbaycan Özbəkistandakı seçkiləri qiymətləndirdi

Özbəkistan, Daşkənd, 22 dekabr /Trend, müxbir Dəmir Əzizov/

Azərbaycan missiyası Özbəkistan Ali Məclisinin Qanunvericilik palatasına seçkilərin keçirilməsini və təşkilini gözəl qiymətləndirir. Bunu bazar ertəsi Trend-ə Özbəkistanda parlament seçkilərinin gedişatını müşahidə edən Milli Məclisin deputatı, Azərbaycan-Özbəkistan parlamentlərarası qrupun üzvü Aydın Abbasov deyib.

Onun sözlərinə görə, Azərbaycan missiyası seçkilərdə demokratik dəyişikliklər üzrə tərəqqidən və cəmiyyətin milli maraqlarına diqqətli münasibətindən məmnun qalıb: "Missiyamız Daşkənddə dairələrdən birindəki seçki məntəqələrinə baş çəkərək seçki komissiyasının işi və Səmərqənddə səsvermənin gedişi ilə tanış olub".

A.Abbasov qeyd edib ki, seçkilər Özbəkistan xalqının ölkə rəhbərliyinin irəli sürdüyü bütün təşəbbüsləri dəstəklədiyini nümayiş etdirdi.

Dekabrın 21-də keçirilmiş seçkilərdə respublikada fəaliyyət göstərən 4 siyasi partiya iştirak edib. Bunlar Liberal Demokrat, Özbəkistan Xalq Demokratik, "Milli Dirçəliş" Milli Demokrat və "Ədalət" Sosial Demokrat partiyalarıdır.

Məqalədə:
Xəbər lenti

Xəbər lenti