Azərbaycan, Bakı, 18 aprel /Trend, müxbir Rufiz Hafizoğlu/
Qərb ermənilərdən öz maraqları üçün istifadə edir. Trend-in "TRT Haber" telekanalına istinadən verdiyi məlumata görə, bunu Türkiyə Böyük Millət Məclisinin sədri Cəmil Çiçək deyib.
Onun sözlərinə görə, Ankarının bütün cəhdlərinə baxmayaraq, Qərb 1915-ci il hadisələri barədə heç nə bilmək istəmir.
Spiker qeyd edib ki, Türkiyədə heç vaxt antierməni təbliğatı olmayıb və Ankara ölkəyə siyasi təzyiq üçün 1915-ci il hadisələrindən istifadə etməyə imkan verməyəcək.
C.Çiçək əlavə edib ki, erməni lobbisi ilə mübarizə hökumətin əsas məqsədi olacaq.