Azərbaycan, Bakı, 6 iyul /Trend, müxbir Anaxanım Hidayətova/
ATƏT Parlament Assambleyasının (PA) yeni baş katibi seçilib. Trend bu barədə təşkilatın rəsmi saytına istinadən xəbər verir.
ATƏT PA-nın baş katibi İtaliyadan olan parlamentar Robert Montella olub.
R.Montella iyulun 5-də ATƏT PA-nın növbəti sessiyası çərçivəsində Helsinkidə keçirilən Daimi Komitənin iclasında seçilib.
R.Montella vəzifəsinin icrasına 2016-cı ilin yanvarın 1-dən başlayacaq.
Qeyd edək ki, ATƏT PA-nın baş katibi 5 il müddətinə seçilir. Bir şəxs bu vəzifəyə ardıcıl olaraq 2 dəfə seçilə bilər.