...

Sergey Markov: Avropa geosiyasi maraqları naminə Azərbaycana hücum edir

Siyasət Materials 23 Sentyabr 2015 18:50 (UTC +04:00)
Avropa geosiyasi maraqları və iqtisadi ambisiyaları naminə Azərbaycana hücum edir.
Sergey Markov: Avropa geosiyasi maraqları naminə Azərbaycana hücum edir

Azərbaycan, Bakı, 23 sentyabr /Trend, müxbir Anaxanım Hidayətova/

Avropa geosiyasi maraqları və iqtisadi ambisiyaları naminə Azərbaycana hücum edir. Bunu Trend-ə Rusiya Prezidentinin səlahiyyətli nümayəndəsi, RF-nin İctimai Palatasının üzvü, politoloq Sergey Markov deyib.

Onun sözlərinə görə, Qərb Azərbaycanın antirusiya sanksiyalarına qoşulmasına çalışır: "Bundan başqa, onlar Azərbaycanın neft-qaz korporasiyalarını, neft-qaz resurslarını nəzarətə götürmək istəyirlər".

Politoloqun fikrincə, Avropa mülkiyyəti bölüşdürmək, Azərbaycanın iri enerji resurslarını nəzarətə götürmək üçün çevrilişə çalışır: "Avropanın istəyi demokratiyanın nailiyyət qazanması deyil".

S.Markov qeyd edib ki, Azərbaycan Qərbin davranışına sakit reaksiya verməli, seçkilər keçirməli, müşahidəçilərini göndərməyə hazır olan ölkələrdən missiyaları dəvət etməlidir.

Məqalədə:
Xəbər lenti

Xəbər lenti